Golaýda, Türkmenistanyň Magtymguly adyndaky Ýaşlar guramasynyň Merkezi geňeşiniň Türkmenistanyň Bilim ministrligi bilen bilelikde guraýan «Iň eýjejik gyzjagaz» atly bäsleşiginiň Gyzylarbat etrap tapgyry geçirildi.

 Bäsleşige etrapdaky orta mekdepleriň 2-4-nji synplarynda okaýan gyzjagazlar gatnaşdylar. Olar bäsleşigiň şertlerine laýyklykda, ata Watanymyzy, bagtyýar çagalygy wasp edýän aýdymlary aýtdylar, milli egin-eşiklerimizi geýip, ony şahyrana sözler bilen tarypladylar, ene-mamalarymyzdan nesilden-nesle geçip gelýän el işlerini ýerine ýetirmekde bäsleşdiler.

 Birinji orna etrapdaky 27-nji orta mekdebiň 2-nji synp okuwçysy Melek Garmämmedowa, ikinji orna 22-nji orta mekdebiň 2-nji synp okuwçysy Ülker Annadurdyýewa mynasyp bolup, bäsleşigiň welaýat tapgyryna gatnaşmaga hukuk gazandylar.




ahal.info