Başlangyç synp okuwçylary öwrenmäge höwesli, bilesigeliji bolup, olara berilýän her bir maglumat täsin we gyzykly bolýar. Şunda mugallym guraýan sapagyny has-da täsirli edip geçmäge, olaryň aňynda gowy galmagyny gazanmaga, şol derse bolan gyzyklanmasyny artdyrmaga çalyşýar. Başlangyç synpyň türkmen dili dersinde okuwçylar bilen «Sypatlar» diýen tema geçilýär. Şonda okuwçylara sypatlaryň aňladýan manysyny düşündirýäris. Munuň üçin okuw kitabyny we multimedia tagtasyny peýdalanýarys. Sypatlar «nähili?», «neneňsi?» diýen soraglara jogap bolýar. Okuwçylara düşnükli bolar ýaly, multimedia tagtasynda «Nähili reňk? Gyzyl reňk», «Neneňsi alma? Süýji alma» ýaly şekilli ýazgylary görkezýärin. Şeýle-de, okuw kitabyndan okatmak bilen okuwçylaryň düşünjesini berkidýärin.

Temalar boýunça guralýan sapaklarda öňki geçilen temalary gaýtalamak okuwçy üçin peýdalydyr, çünki onuň geçilen temany ýatlamagy täze tema bolan pikirini jemleýär. Temanyň täsirliligi mugallymyň tejribesine we zähmetine baglydyr. «Sypatlar» diýen tema geçilende mugallym okuwçylaryň türkmen dili bilen birlikde, surat dersi boýunça hem düşünjelerini berkidýär. Okuwçylara, ilki bilen, sypatlar barada düşünje berýärin. Sypatlaryň «nähili?», «neneňsi?» diýen soraglara jogap bolýandygy, olaryň reňkleri, göwrümi, tagamy aňladýandygy barada aýdýaryn. Meselem: kiçi jüýje, gara galam, süýji alma, datly nahar. Şeýle-de, okuwçylara sypatlaryň zatlary, düşünjeleri, gylyk-häsiýetleri boýunça biri-birinden tapawutlandyrmak aýratynlygyny görkezmek üçin ulanylýan sözlere «sypatlar» diýilýändigini düşündirýärin.

Soňra okuwçylara reňk aňladýan, tagam, hil bildirýän, göwrüm-möçber bildirýän, gylyk-häsiýet bildirýän sypatlar hakynda multimedia tagtasynda hem görkezýärin. Mysal üçin: