Halkymyzyň bäş müň ýyllyk taryhyny ajaýyp behişdi bedewlersiz göz öňüne getirmek kyn. Özüniň owadanlygy, ýyndamlygy, duýgurlygy we wepalylygy bilen ata-babalarymyzyň ýüreginde baky ýer alan türkmen bedewleri hakykatdan-da, Watanymyzyň gahrymançylykly taryhynda şeýle söýgä mynasypdygyny subut edip gelendigine göz ýetirýärsiň. Şol sebäpli-de bedew atlar halk döredijiligimizde, amaly-haşam sungatymyzda, şahyrlarymyzyň, ýazyjylarymyzyň eserlerinde, aýdymdyr-sazymyzda waspy ýetirilip, özüniň ajaýyp ornuny tapýar.

“Görogly” şadessanynda Gyrat Göroglynyň uçar ganaty, hiç haçan ikilik etmeýän ýoldaşy, ýeke wagty syrdaşy, ýow gününde gardaşy. Gyratsyz Göroglyny göz öňüne getirmek mümkin däl. Şonuň üçin-de Görogly ony janyndan eý görýär, Arap Reýhana ”Atym atma, özüm öldür” diýip ýalbarýar.

Akyldar, nusgawy şahyrymyz Magtymguly Pyragynyň döredijiliginde bedew atlar barada şeýle ajaýyp goşgy setirleri bar: