Her bir adam durmuşda üstünlik gazanmak isleýär. Üstünligiň syry diýlip, köp zat aýdylýar, ýöne hakykatda ol ýönekeý. Üstünlik, islegden we maksadyňy anyk kesgitlemekden başlanýar. Filosoflar we alymlar bu barada dürli pikirler orta atýarlar. Mysal üçin, türkmen beýik şahyry Magtymguly Pyragy bolsa, ylym we ahlaklylyk arkaly ruhy kämilleşmegiň üstünlige alyp barýandygyny nygtaýar.

Üstünligiň özeninde yhlas ýatyr. Her bir adamyň içinde ot ýakýan islegi bolmaly. Bu isleg, adamlaryň maksatlaryna ýetmek üçin gerekli güýji berýär. Ýaş okuwçy ýa-da sportçy bolsun, olaryň hemmesi bir zady gazanmak islegi bilen ýaşaýarlar. Eger sen hem üstünlige ýetmek isleýän bolsaň, içinde şol ýanýan islegi duýmaly we ony güýçlendirmeli.

Üstünlik gazanmak üçin maksatlary anyk kesgitlemek zerurdyr. Maksat, biziň ýolumyza düşýän yşykdyr. Maksatly bolmak, her gün öňe gitmek üçin bize itergi berýär. Şeýlelikde, her bir adamyň özüne degişli maksatlary bolmaly we şol maksatlara ýetmek üçin meýilnama düzmelidir.

Isleg we maksat bolmak bilen, yhlas ýoldaş bolýar. Maksatly bolmak ýeterlik däl, onuň yzyndan tutanýerli hereket etmek gerek. Uly alymlardan başlap ähli üstünlik gazananlaryň hemmesi yhlasly we tutanýerli hereket edýärler. Bu hereketler, olaryň maksadyna ýetmek üçin ädýän ädimleriniň esasyny düzýär.

Üstünlik gazanmak üçin adamlar köplenç rahatlyk zonasyndan çykmalydyrlar. Adamlar, kynçylyklar bilen ýüzbe-ýüz bolmakdan gorkýarlar, emma hakyky ösüş we üstünlik şol kynçylyklaryň yzyndadyr. Ruhy taýdan tämizleşmek we maksatlara ýetmek üçin adamlar özlerini synagdan geçirmeli we kynçylyklara garşy durmaly.

Ruhy gymmatlyklaryň we ynançlaryň üstünlige ýetmekde uly roly bardyr. Türkmen halkynyň baý edebi we ruhy mirasy, biz üçin ýol görkeziji bolup hyzmat edýär. Her bir işde ruhy taýdan tämizlenmek, bizi maksadymyza ýetirmekde ýardam edýär.

Üstünligiň iň soňky netijesi, ömürlik miras goýmakdyr. Maksatly we yhlasly hereket edip, biziň ýetjek üstünliklerimiz, diňe bir biziň üçin däl, eýsem, geljekki nesillerimiz üçin hem ýol görkeziji bolar. Türkmen halkynyň beýik şahsyýetleriniň mirasy nusga bolup durýar. Biz hem şol mirasy dowam etdirip, ömrümiziň her pursadynyň gadryny bilip ýaşamalydyrys.

Üstünligiň syry, maksatly we yhlasly hereket etmekden, ruhy taýdan tämizlenmekden, edebi we ruhy gymmatlyklara eýermekden ybaratdyr. Her bir adam, ömründe maksatly we yhlasly bolup, ähli hereketlerini ynanjy bilen baglanyşdyrmaly. Türkmen halkynyň beýik mirasy we dini gymmatlyklary, biziň her birimize ruhy kämilleşmek we maksatlarymyza ýetmekde ýoly görkezýär. Durmuş, her bir adama öz maksadyna ýetmek üçin birnäçe mümkinçilikleri hödürleýär. Şeýlelikde mümkinçilikleri peýdalanmagy başarmalydyrys.

Arazdurdy GOŞJANOW,
Etrek etrabynyň 5-nji orta mekdebiniň mugallymy.