Gadym-gadym ýollary,
Geçip gelen alaja.
Yrym baryn illere,
Seçip gelen alaja.

Sen türkmeniň adaty,
Hem sabyr-kanagaty,
Ýollarda ak ganaty,
Açyp gelen alaja.

Enelerden miras sen,
Atalardan yhlas sen,
Türkmen kalbyna siňen,
Ýürek ýagym alaja.

Gözden-dilden goraýaň,
Ýaman sözden goraýaň,
Ula-kiçä ýaraýaň,
Kalba dolan alaja.

Güljan RAHYMOWA,
Türkmengala etrabyndaky 8-nji orta mekdebiň mugallymy.
"Maru-şahu jahan" welaýat gazeti, 12.10.2023