Saba-säherlerde Gün ýaly dogup,
Goýnuňa baky ýaz gelendir, Watan!
Rysgal-berekediň süýt ýaly çogup,
Goýnuňa baky ýaz gelendir, Watan!

Ýüreklerde hyjuw, kalplarda ylham,
Gyzlaryň — görkana, ýigitleň — merdem,
Sahawatly dünýäň tämizden, terden
Goýnuňa baky ýaz gelendir, Watan!

Bir suprada taýýar kylynýar aşlar,
Arkadag Serdarly bagtyýar ýaşlar,
Gujurdyr, gaýratdyr, ýeňşini buşlar,
Goýnuňa baky ýaz gelendir, Watan!

Arşa owsun atýar beýik binalar,
Mawy asman ak dünýäňi pena:lar,
Dünýä aşyk bu gudrata, jemala,
Goýnuňa baky ýaz gelendir, Watan!

Eziz Arkadagyň aýdyň ýollary
Gülgüzar eýleýär sagy-sollary,
Arkadag Serdarly gözel illeri,
Goýnuňa baky ýaz gelendir, Watan!

Rozma ORUNOWA,
Dänew etrabyndaky 39-njy orta mekdebiň mugallymy.
"Türkmen gündogary" welaýat gazetim 05.10.2023