Daglar deý kök urup bäş müň asyrdan,
Baky şan-şöhratly Türkmenistanym!
Asmanyňda ýaşyl tuguň pasyrdar,
Sowulmaz söhbetli, Türkmenistanym!

Ýürekde ylham bar, dilimde kelam,
Gujagyňda gülläp tapýaryn kemal,
Ösüşe beslenýän ak ýollar rowan,
Saçagy rehnetli Türkmenistanym!

Gül Watana çyn ýürekden guwanýan,
Bagtyýarlyk ýazlaryň bar — sowulmaz,
Garaşsyzlyk dowamatdyr, dowamdyr,
Beýik, aýdyň ýolly Türkmenistanym!

Eziz Watan baky juwan ýaşynda,
Toý toýlaýar, ajap döwran başynda,
Waspy gazallarda, köňül joşunda,
Baky şan-şöhratly Türkmenistanym!

Allaberdi PAŞŞYKOW,
Tejen etrabyndaky 2-nji orta mekdebiň mugallymy.
"Mugallymlar gazeti" gazeti, 02.10.2023