Aýlawlarda ýeňişlere ýar bolan,
Milletiň buýsanjy, ýyndamdyr Akhan!
Çarpaýa galyşy haýrana goýan,
Bedewler içinde ýyndamdyr Akhan!

Arkadag şährinde ajap heýkeliň,
Guwanjyna öwrülendir köpleriň,
Şöhratly günlerden doly ykbalyň,
Bedewler içinde ýyndamdyr Akhan!

Arzuwlara ganat, toýlaň bezegi,
Gözellikde öň hatarda gezegi,
Meşhur Pereňliniň asyl-ezeli,
Bedewler içinde ýyndamdyr Akhan!

Taryhda, köňülde ebedi adyň,
Milli Lider bilen artdy şöhratyň,
Arkadagly Serdar beýgeldýär şanyň,
Bedewler içinde ýyndamdyr Akhan!

Paltabaý KAKABAÝEW,
Boldumsaz etrabyndaky 44-nji orta mekdebiň mugallymy.
"Daşoguz habarlary" welaýat gazeti, 27.04.2023