Türkmen halkymyzyň uçar ganaty,
Ýelden ýüwrük gamyşgulak bedewler.
Dür bahaly, tylladandyr kamaty,
Ýelden ýüwrük gamyşgulak bedewler.

Aýlawlarda ýaryş gurap, toý bezär,
Waspyn etseň tarypyna söz uzar,
Mertebäňiz arşa göterýär Diýar,
Ýelden ýüwrük gamyşgulak bedewler.

Bäş müň ýyllyk alys ýoldur taryhyň,
Altyn harpda ýazylandyr tarypyň,
Dünýäni baglandyr şanyň-şöhratyň,
Ýelden ýüwrük gamyşgulak bedewler.

Ýene hormat tapyň abraý-sarpadan,
Älem baglap has şöhratlan, sarpalan,
Ýurt şanyndan bat, görkünden görk alan,
Ýelden ýüwrük gamyşgulak bedewler.

Altyngözel HOJANÝAZOWA. Baýramaly etrabyndaky 16-njy orta mekdebiň 1-nji derejeli iňlis dili mugallymy.
"Maru-şahu jahan" welaýat gazeti, 25.04.2024