Milli Lider pähminden dörän Arkadag şäheri,
Köpetdagyň degresini bezän Arkadag şäheri,
Ýol-ýodasyn bag-bossan bürän Arkadag şäheri,
Bu Watana dolanan döwran Arkadag şäheri,
Gül goýnuňa kylaýyn seýran Arkadag şäheri.

Ylahydan serpaý sen Kesearkajyň düzüne,
Synlanymda gül görküň nur çaýylmyş gözüme,
Gije Arşda Aý haýran, Gün haýran gündizine,
Asal bolup gatylan zyban içre sözüme,
Çawy älem-jahana ýaýran Arkadag şäheri.

Atalaryň arzuwynyň wysalyn gördüm munda,
Gerçekleriň gaýratyn, yhlasyn gördüm munda,
Egsilmez bagtyýarlygyň jemalyn gördüm munda,
Joşly bahar-ýazlaryň howasyn gördüm munda,
Gursaga sorsam, jana derman Arkadag şäheri.

Jebis eýläp daşyna il-ulusy, begleri,
Oguz han atamyzyň syrgyn guran ýerleri,
Hyýal guşum herýanda açyp ganat-perleri,
Alna togap eýledim köşk, ymarat mermeri,
Milli Liderden adyl perman Arkadag şäherim.

Begenç BAÝNEPESOW,
Saparmyrat Türkmenbaşy etrabyndaky
86-njy orta mekdebiň mugallymy.
"Daşoguz habarlary" welaýat gazeti, 18.04.2024