Etrek, Gürgen boýy dogulan ýeri,
Akyl-paýhas ummanydyr oň seri,
Döwletmämmet Azadydyr pederi,
Üç asyry arka atan şahyrym.

Dehistanyň bady-sabasyn islän,
Berkarar döwleti göwnünde taslan,
Agzybir bolmagy ýürekde beslän,
Çyn döwlet arzuwlap öten şahyrym.

Şahyrlykdan başga zergärdir käri,
Goşgularyn bilýär bütin Ýer şary,
Size hormat goýýar adamzat bary,
Paýhasyň düýbüne ýeten şahyrym.

Bäş dogany bir saçaga çagyrdyň,
Hormaty kän Siziň deýin ägirdiň,
Ajaýyp eýýamda köpdür şägirdiň,
Şolardyr ýoluňy tutan, şahyrym.

Berkarar döwletiň ösýär, gülleýär,
Ýokdur goşgularňy ýatdan bilmeýän,
Bu gün türkmen ili toýuň belleýär,
Halkynyň bagt daňy atan şahyrym.

Hoja Gulgeldiýew,
Etrek etrabyndaky 3-nji orta mekdebiň mugallymy.
"Balkan" welaýat gazeti, 11.04.2024