Gözümiň guwanjy, başymyň täji,
Arkadag Serdarly eziz Watanym.
Ýüregmiň buýsanjy, hazyna-genji,
Arkadag Serdarly eziz Watanym.

Şuglasyny saçyp çogly Gün nury,
Gülzara besleýär bu ene ýeri,
Ömrümiň manysy, bagtyň çyragy,
Arkadag Serdarly eziz Watanym.

Pederleriň gezen ýeri mesgenim,
Sende hasyl bolýar arzuw-islegim,
Sende bar maksadym hemem messebim,
Arkadag Serdarly eziz Watanym.

Waspyňy ýazmaklyk perzentlik borjum,
Nurlanar görküňden didäm-görejim,
Ömürbaky kalpda beýik buýsanjym,
Arkadag Serdarly eziz Watanym.

Jennet ANNAMEDOWA,
Daşoguz şäherindäki iňlis dili dersine ýöriteleşdirilen
29-njy orta mekdebiň mugallymy.
"Daşoguz habarlary" welaýat gazeti, 04.04.2024