Üç asyrlap ýaşap ýör adamzadyň aňynda,
Beýik adyň ebedi bu gün arşyň deňinde,
Şygyrlary aýdylýar bütin dünýäň dilinde.
Bize ýagşy görelde–Magtymguly Pyragy,
Çeper sözüň ussady–Magtymguly Pyragy.

Ylym beren pederi Garry molla-Azady,
Şygyrlaryna aşykdyr, dünýäň ýakyn-yragy.
Ady dilde dessandyr, ýylymyzyň şygary.
Pähim paýhas ummany–Magtymguly Pyragy,
Söz mülküniň soltany–Magtymguly Pyragy.

Parasatly sözleri nesillere mekdepdir,
Soňlanmajak mirasy geljegimize wesýetdir,
Şygyrlary müň syrly açylmadyk dergähdir.
Nesillere kämil ýol–Magtymguly Pyragy,
Türkmeniň akyldary–Magtymguly Pyragy.

Her setirin okaňda, her jümlesi müň many,
Maňzyn tirip okasaň, seýl edersiň jahany,
Arkadagyň aýdany, ýylymyzyň şygary:
Pähim paýhas ummany–Magtymguly Pyragy,
Döwrümiziň şahyry–Magtymguly Pyragy.

Ak günleri arzuwlap, geldi ajap zamana,
Eziz ilim taýýarlanýar üç ýüz ýyllyk toýuna,
Kitaplary bezeg berýär her bir türkmen öýüne.
Ömrümiziň şahyry – Magtymguly Pyragy,
Danalaryň danasy-Magtymguly Pyragy.

Çoh garaşan eýýamy bu gün bagtyýar boldy,
Ili-ulusy bilen bir suprada jem boldy,
Arkadag Serdar bilen Watan berkarar boldy.
Misli Jemşidiň Jamy–Magtymguly Pyragy,
Eserleriň dür saçýar–Magtymguly Pyragy.

Gülälek SÖÝEŞOWA,
Balkanabat şäheriniň 3-nji çagalar bakja-bagynyň müdiri,
Türkmenistanyň Ýaşlar baýragynyň eýesi.