Berkarar döwletiň hem Aziýanyň merjeni,
Eziz Watan paýtagty ak şäherim Aşgabat.
Abadan hem asuda, parahatlyk merkezi,
Eziz Watan paýtagty ak şäherim Aşgabat!

Binalaryň bezelmiş diňe ak mermer bilen,
Altyn başly gupbalaň , öwşgün atýar zer bilen,
Şanyň seň dünýä dolýar bu gün Diýar seň bilen,
Eziz Watan paýtagty ak şäherim Aşgabat !

Gündiz günüň şuglaly, gijeleriň aýdyňdyr,
Ylym, bilim bagtyndan sende ýaşlar paýlydyr,
Binalaryň her biri köşgi eýwana taýlydyr,
Eziz Watan paýtagty ak şäherim Aşgabat !

Dilimiziň senasy, ak şäherim adyň seniň ,
Ösüşlerden ösüşe artýar badyň seniň,
Waspy doldy jahana, goşgy , gazal, aýdym heň,
Eziz Watan paýtagty ak şäherim Aşgabat !

Serdar ÝAZHANOW,
Halaç etrabyndaky 13-nji orta mekdebiň mugallymy.


tkamm.gov.tm