Ylla behişdiň bahary,
Ajap Arkadag şäheri.
Asuda ýurduň säheri,
Gözel Arkadag şäheri.

Ak mermerden bina bolmuş,
Tarypy äleme dolmuş,
Çar tarapdan myhman gelmiş,
Mährem Arkadag şäheri.

“Akylly” ol misli ynsan,
Kalbyňda müň arzuw beslär,
Köpler görsem diýp höweslär,
Mermer Arkadag şäheri.

Berkarar Watan guwanjy,
Ymaratlaň dünýä genji,
Bagtyýar ýaşlaň buýsanjy,
Eziz Arkadag şäheri.

Waspyň uzar illermizde,
Şat saýraýan dillermizde,
Toý tutulýar öýlermizde,
Toýly Arkadag şäheri.

Aýjemal BABAGULYÝEWA.
Murgap etrabyndaky 41-nji orta mekdebiň
türkmen dili we edebiýat mugallymy.
"Maru-şahu jahan" welaýat gazeti, 22.02.2024