Bu Watanyň her bir güni baýrakdyr,
Her hepdesi, aýy toýa ulaşýar.
Aşyk ýürek tarypyna saýrakdyr,
Yhlaslary myradyna gowuşýan
Arkadag Serdarly bagtyýar ýaşlar.

Günler, güller jemalyna ogşamyş,
Oba-kendi kemalyna ogşamyş.
Bu mesgende bagta deňdir ýaşaýyş,
Bagt mukamy gül heňine ýaraşýan
Arkadag Serdarly bagtyýar ýaşlar.

Yşkyň diregi bu, söýgiň söýesi,
Gorly köňlüň geler mydam söýesi.
Oguz kowmy, gelejegiň eýesi,
Gadamy batlydyr — geljegi buşlar,
Arkadag Serdarly bagtyýar ýaşlar.

Talypmy, mugallym, agronom, lukman...
Manysydyr bular bagta howlukmaň.
Görer olsaň göze sygmaz gowluk bar,
Şolar bilen ýagty erteler äşgär,
Arkadag Serdarly bagtyýar ýaşlar.

Nesibine düşüp ýyllaň ajaby,
Döwrümiziň bagtyna ýol açany,
Aýdyň erteleriň altyn açary,
Alyslara nurun saçan kuýaş deý,
Arkadag Serdarly bagtyýar ýaşlar.

Saýyp ajap döwri göreji didäň,
Asyrlaryň taryhydyr hakydaň.
Eziz Arkadagyň — beýik Halypaň
Göreldesi bilen menziller aşýan
Arkadag Serdarly bagtyýar ýaşlar.

Dürli­ SEÝITMÄMMEDOWA,
Gyzylarbat ­etrabyndaky­ 14-­nji­ orta mekdebiň ­mugallymy.
"Arkadag" gazeti, 28.12.2023