Bu gün şanly toýun tutup,
Baky Bitarapdyr Watan!
Sowulmajak bagta ýetip,
Baky Bitarapdyr Watan!

Asuda, erkana goýny,
Gözellikler bezär boýny,
Şowhuna besläp toýuny,
Baky Bitarapdyr Watan!

Nazy-nygmatly saçagy,
Myhmana açyk gujagy,
Ýaňlanar dutar-gyjagy,
Baky Bitarapdyr Watan!

Asman gulaçlap göwnümiz,
Bagta beslenýär ömrümiz,
Buýsançdan doly döwrümiz,
Baky Bitarapdyr Watan!

Ösüşlerden hyjuw alyp,
Ylham joşýar Arşa galyp,
Dabarasy dünýä dolup,
Baky Bitarapdyr Watan!

Sowulmaz döwranly Diýar,
Ulus-ilimiz bagtyýar,
Ýurdum baky berkarar,
Baky Bitarapdyr Watan!

Şatlyk JEPBAROW,
Murgap etrabyndaky 3-nji orta mekdebiň mugallymy.
"Mugallymlar gazeti" gazeti, 13.12.2023