Eziz Diýar
Atalaryň kalpda beslän,
Arzuwydyr ajap eýýam,
Buýsanjym, şanym, mertebäm
Bitarap ýurt — Türkmenistan.
Asmanymda ganat ýaýyp,
Ak guşlaryň uçmagynda,
Ak erteleň şamçyragyn
Bagtyn görýän uçmahymda.
Bitarap Türkmenistan,
Eziz ýurdum — ata mekan,
Bitarap Türkmenistan,
Adyň şirin aýdym-mukam.
Dost-dogandyr çar ýanymyz,
Egsilmeýär myhmanymyz,
Parahatlyk mekanymyz,
Bitarap ýurt — Türkmenistan!
Ösüşlerňe dünýe haýran,
Sowulmazdyr eşret-döwran!
Asudalyk baky hemraň,
Eziz Diýar — Türkmenistan!
Ýazbibi MÄMEDOWA,
Daşoguz şäherindäki daşary ýurt dillerine ýöriteleşdirilen
25-nji orta mekdebiň mugallymy.
"Mugallymlar gazeti" gazeti, 11.12.2023