Bahar geldi,
Açylyp gül-gunçalar,
Dag başyndan akar ýene çeşmeler.
Asman, Zemin teşneligni gandyryp,
Ene ýeri birenaýy keşdelär.

Asman ýere aşyk,
Ýer hem asmana,
Gudratyn görkezip yşkyň ynsana.
Şanyna ýazylyp müňläp waspnama,
Dörär söýgi bilen şirin goşgular.

Bu gözellik pasly,
Bu söýgi pasly,
Ýürekler joş alyp urýandyr sesli.
Aýdyma hiňlenip, bagşy deý misli,
Guşlaň saýrak jürküldisi eşdiler.

Bahar — eneleriň nurana keşbi,
Bahar — şahyrlaryň ylhamy, yşky.
Äleme ýaýradyp atyryn, müşgün,
Çeker köňüllere gülden keşdeler.

Mähri SAPARMEDOWA,
Boldumsaz etrabyndaky 69-njy orta mekdebiň mugallymy.
"Mugallymlar gazeti" gazeti, 05.03.2025