Mydam hem-de hemişe
Enelere buýsanýas.
Sowgat edip bägüli
Tüýs ýürekden guwanýas.

Gözellikleriň bary,
Jemlenipdir zenanda.
Bagtyň şuglasy-nury,
Bu bagtyýar zamanda.

Joşsun şahyr ýüregi,
Goşgy-gazal paýlaýan.
Ynsanyň kalp küregi,
Bagt kölünde aýlaýan.

Dahandaky kelamym,
Dagdan akýan çeşme deý.
Ak kagyza galamym,
Şygyr geçir keşde deý.

Şygyr dünýä ýetirer,
Eneleriň waspyny.
Ýüreklerde göterýäs,
Eneleriň keşbini.

Şatlyk JEPBAROW,
Murgap etrabyndaky 3-nji orta mekdebiň mugallymy.
"Mugallymlar gazeti" gazeti, 05.03.2025