Berkarar döwletimizde göge ýetdi başymyz,
Arkadagly Serdarymyz, dilleriň senasy Siz!
Rowaç bolsun işleriňiz, uzak bolsun ýaşyňyz,
Arkadagly Serdarymyz, dilleriň senasy Siz!

Buýsanyp zamanamyza kitap gatlaryn açdym,
«Ýaşlar — Watanyň daýanjy» şygaryňa ses goşdum,
Ylym-bilim almaklyga, döretmäge ýol açdyň,
Arkadagly Serdarymyz, dilleriň senasy Siz!

Bagtyýarlyk duýulýandyr her aýdymda, şygyrda,
Kalplara nur çaýylýandyr döwran gelen döwürde,
Galkyndyrdyň halkymyzy, şan geldi ajap ýurda,
Arkadagly Serdarymyz, dilleriň senasy Siz!

Ýurdumyz gülläp gül açýar, topragy nur-keremde,
Ýürekler heýjana gelýär ösüşleri göreňde,
Her bir işiňiz nusgalyk, biz — ýaşlara görelde,
Arkadagly Serdarymyz, dilleriň senasy Siz!

Niçiksi gözeldir bu gün Galkynyşyň gülleri,
Ýüzümizi sypalaýar parahatlyk ýelleri,
Ýaş nesilleň aýdymlary ýatladar bilbilleri,
Arkadagly Serdarymyz, dilleriň senasy Siz!

Baýramgül GELDIÝEWA,
Balkanabat şäherindäki 1-nji orta mekdebiň mugallymy.
"Balkan" welaýat gazeti, 20.02.2025