Bu manyly ömrümiziň zynaty,
Bahar gülleri deý görkli eneler.
Perzendiniň göwün şady, ganaty,
Ak arzuwly, tämiz kalply eneler.

Ýaşaýşyň görki siz, mährem eneler,
Siziň bilen gözel, owadan dünýä,
Bagtly ojaklarda bagtyň eýesi,
Küýsegi parahat, abadan dünýä.

Her ynsanyň ýeke-tägi, bary siz,
Älemiň sowulmaz ýazy eneler.
Söýgi ummany siz, mähir gory siz,
Dutaryň tarynyň sazy eneler.

Perdegül ATAÝEWA,
Köneürgenç etrabyndaky 54-nji orta mekdebiň mugallymy.
"Daşoguz habarlary" welaýat gazeti, 06.03.2025