Ýüzleri mähre baý, sözleri nakyl,
Mähriban eneler, eziz eneler.
Bakyşy muhabbet, ýylgyrşy ýakym,
Mähriban eneler, eziz eneler.

Ene süýdi deýin arassa, halal,
Kalbyňyz nurana, mährem, süýji dil,
Käbä deňelmegňiz ýöne ýere däl,
Mähriban eneler, eziz eneler.

Göwünlerňiz açyk, bahar-ýaz ýaly,
Öwütlerňiz ylla mukam-saz ýaly,
Ýaýsam waspyňyzy ýene az ýaly,
Mähriban eneler, eziz eneler.

Nesillere ündäp ýagşy ýörelge,
Gyza-gelne bolup ajap görelde,
Mertebäňiz artyp barýar, gör, ilde,
Mähriban eneler, eziz eneler.

Kakajan PIRJANOW,
Görogly etrabyndaky 23-nji orta mekdebiň mugallymy.
"Mugallymlar gazeti" gazeti, 05.03.2025