Sende täze ajap döwür,
Galkyn, Watan! Galkyn, Watan!
Gülleýär, gül açýar ömür,
Galkyn, Watan! Galkyn, Watan!

Watan dillerde senadyr,
Ajap ak mermer binalar.
Görküň barha rowaçlanar,
Galkyn, Watan! Galkyn, Watan!

Bilimli bagtyýar ýaşlar,
Buýsandyrýar beýik işler,
Dünýä bilen dost-gardaşdyr,
Galkyn, Watan! Galkyn, Watan!

Aşgabat — merjen şäheriň,
Asuda ajap şäheriň,
Sowulmaz ýazdyr baharyň,
Galkyn, Watan! Galkyn, Watan!

Arkadagly Serdar bilen,
Ak daňlara barýar iller,
Saýrap waspyň edýär diller,
Galkyn, Watan! Galkyn, Watan!

Hojageldi KÖRHANOW,
Babadaýhan etrabyndaky 15-nji orta mekdebiň mugallymy.
"Mugallymlar gazeti" gazeti, 05.04.2023