Ähli öten-geçen ýatlanýar bu gün,
Sadakaňyz kabul bolsun, adamlar!
Gahryman gerçekler ýatlanýar bu gün,
Sadakaňyz kabul bolsun, adamlar!

Paýtagtymda ýer silkinen gijesi,
Gül ömürleň pida boldy barçasy...
Nesilleriň gowy bolsun görjegi,
Sadakaňyz kabul bolsun, adamlar!

Gökdepe galasy — gahryman gala,
Barsaň, henizlerem gelip dur nala,
Bu gün ýüregmizden aýdýarys sena,
Sadakaňyz kabul bolsun, adamlar!

Geçen uruşdan gelmän, galanlar ýatda,
Ýeňiş diýp, dünýä dolanlar ýatda,
Şolaň mertebesi belent hakyda,
Sadakaňyz kabul bolsun, adamlar!

Gülleýän, gül açýan eziz Diýarym,
Ýürekde arzuwym, maksat-myradym,
Ýol görkezýär Arkadagly Serdarym,
Sadakaňyz kabul bolsun, adamlar!

Heseljemal BERDIÝEWA,
Mary şäherindäki 5-nji orta mekdebiň mugallymy.
"Maru-şahu jahan" welaýat gazeti, 03.10.2024