Eneleriň hüwdüsinde üwrelen,
Pederleriň pendi bilen bekänim.
Säherleriň şapagyndan nur alan,
Güneş nury deýin nurly mekanym.

Taryhyň, geçmişiň çuňluklaryna
Çümüpdir çynaryň kökleri deýin.
Döwürler aýlanar sende Ereme,
Ömürler ajaýyp goýnuňa seýil.

Şäherleriň ak mermerden enaýy,
Küren ilde Oguz kendimi gördüm.
Bagtly geçýär her bir ýyllar, gün-aýy,
Illeriňde peder pendini gördüm.

Eziz Watan — gursaklarda aýanym,
Waspyň dillerime ýaraşsyn bu gün.
Baş baýramyň gutly bolsun, Diýarym,
Il-gün, gutly bolsun Garaşsyzlygyň!

Seýran SEÝITMÄMMEDOW,
Gyzylarbat etrabyndaky 11-nji orta mekdebiň mugallymy.
"Mugallymlar gazeti" gazeti, 25.09.2024