Ýagşy arzuwlary kalpda beslänim,
Eziz Watan — dillerimde dessanym.
Goýny misli Erem — bagy-bossanym,
Garaşsyz, Bitarap Türkmenistanym!

Şanyňa aýdýarys goşgudyr gazal,
Topragyň parahat, dury asmanyň.
Döwrümiz döwranly, çar ýanyň gözel,
Garaşsyz, Bitarap Türkmenistanym!

Rysgally durmuşyň artýar hümmeti,
Gujagyň lälezar — bagy-bossanyň.
Obadyr şäherler misli jenneti,
Garaşsyz, Bitarap Türkmenistanym!

Döwletim berkarar, döwür bagtyýar,
Asyrlara dowamatyň islänim.
Geljegimiz ösüşlere, bagta ýar,
Garaşsyz, Bitarap Türkmenistanym!

Söhbet MERETGELDIÝEW,
Bäherden etrabyndaky 16-njy orta mekdebiň müdiri.
"Mugallymlar gazeti" gazeti, 25.09.2024