Oýanyp her säher guşlaň sazyna,
Melul bolup dünýäň hoş owazyna,
Aşygyň men seniň bahar-ýazyňa,
Watanym Türkmenistan!

Gülleň ysyn getir öwüsýän ýeller,
Kalbyňy joşdurar al-ýaşyl güller,
Göwnaçyk, şahandaz, nowjuwan iller,
Watanym Türkmenistan!

Çeşmelerden akar asallar-ballar,
Gijeleri kümüş, altyn sabalar,
Çar tarapdan myhman gelýär Diýara,
Watanym Türkmenistan!

Bu toprakda atýan daňlar ajaýyp,
Güneş bize nurun saçar zer çaýyp,
Gül keşbiňden, gül durkuňdan ganaýyn,
Watanym Türkmenistan!

Gülnara JORAÝEWA,
Dänew etrabyndaky 26-njy orta mekdebiň mugallymy.
"Mugallymlar gazeti" gazeti, 25.09.2024