Halkyň agyr ykbalyn
Göterip gerdeninde,
Bagta umyt-hyýalyn
Saklapdyr ýüreginde.

Pyragyň beýik ady
Ýüzläp dilde ýaňlanýar.
Şygryndaky çuň many
Umman bilen deňlenýär.

Bu gün türkmen halkynyň
Beýik dagdan arkasy.
Ýeňişlere galkynan
Belent millet — sarpasy.

Şahyryň dür dünýäsi
Türkmeniň şöhrat-şany,
Çünki ol söz mülküniň
Hemişelik soltany.

Ogulkeýik GARAÝEWA,
Halaç etrabynyň Magtymguly adyndaky
14-nji orta mekdebiniň mugallymy.
"Türkmen gündogary" welaýat gazeti, 19.09.2024