Köňül buýsanjymsyň, asuda ülkäm,
Gutly bolsun toýuň, Garaşsyz Watan!
Erkinlik içinde göwünler galkar,
Gutly bolsun toýuň, Garaşsyz Watan!

Aýlar-ýyllar bize bagty getirdi,
Bagtly günler ak daňlara atardy,
Başymyzy arşa sary ýetirdi,
Gutly bolsun toýuň, Garaşsyz Watan!

Mert pederleň mesgen tutan mekany,
Güller örtýär degre-daşyň, ýakaňy,
Parahatlyk, asudalyk mukamy,
Gutly bolsun toýuň, Garaşsyz Watan!

Toýlara beslensin sagydyr soluň,
Bu gün bagta ýardyr gyzlaryň, ogluň,
Geljege uzasyn şöhratly ýoluň,
Gutly bolsun toýuň, Garaşsyz Watan!

Hemra DURDYÝEW,
Ak bugdaý etrabyndaky 14-nji orta mekdebiň mugallymy.
"Mugallymlar gazeti" gazeti, 11.09.2024