Watan — bu bagtyýar halkyň ykbaly,
Watan — bu halkymyň ynam-ygrary,
Watan — bu ynamly köňül ykrary,
Watan — bu Gahryman Arkadagymyz,
Arkadagly Gahryman Serdarymyz.

Bu daglar, derýalar, deňizler — Watan,
Bagtdan gül öwüsýän meňizler — Watan,
Maksatlar, myratlar, menziller — Watan,
Watan — bu Gahryman Arkadagymyz,
Arkadagly Gahryman Serdarymyz.

Mukaddeslik jigerdäki, serdäki,
Jennet, Erem bagy, behişt Ýerdäki,
Biz üçin uçmahdyr Watan dergähi,
Watan — bu Gahryman Arkadagymyz,
Arkadagly Gahryman Serdarymyz.

Şu Watandyr biziň baky bagtymyz,
Şu Watandyr biziň täji-tagtymyz,
Şu Watanda bagtyýar biz, bagtly biz,
Watan — bu Gahryman Arkadagymyz,
Arkadagly Gahryman Serdarymyz.

Gözel köňülleriň töri Watandyr,
Dutarymyň goşa tary Watandyr,
Bize eziz zatlaň bary Watandyr,
Watan — bu Gahryman Arkadagymyz,
Arkadagly Gahryman Serdarymyz.

Gudratdyr, keremdir, keramat Watan,
Pena, daýanç, goldaw, delalat Watan,
Dünýä dursa dowam-dowamat Watan,
Watan — bu Gahryman Arkadagymyz,
Arkadagly Gahryman Serdarymyz.

Ýaşasyn, goý, baky ýaşasyn Watan,
Joş alsyn, goý, baky joş alsyn Watan,
Ýaş bolsun, goý, baky ýaş bolsun Watan,
Watan — bu Gahryman Arkadagymyz,
Arkadagly Gahryman Serdarymyz.

Jänegül GURBANOWA,
Bereket etrabyndaky 15-nji orta mekdebiň mugallymy.
"Balkan" welaýat gazeti, 22.08.2024