Üýtgeşikdir döreýşiniň kyssasy,
Gadymy mirasdyr türkmen halysy.
Milliligiň iň bir nepis nusgasy,
Müdimi mirasdyr türkmen halysy.

Ýüplükleri solmaz reňke boýalan,
Her çitimi keşde ýaly gaýalan,
Ömürbaky mukaddeslik saýylan,
Gadymy mirasdyr türkmen halysy.

Taryp eýläp ene-mama kesbini,
«Arşyň nepisligi» ýaýdy waspyny,
Ýatladyp dur sähraň bahar paslyny,
Gadymy mirasdyr türkmen halysy.

Ady-owazasy äleme ýaýran,
Nepisligi goýýar älemi haýran,
Heňňam aşyp, dünýä eýleýär seýran,
Müdimi mirasdyr türkmen halysy.

Kakajan PIRJANOW,
Görogly etrabyndaky 23-nji orta mekdebiň mugallymy.
"Daşoguz habarlary" welaýat gazeti, 22.08.2024