Aýdym bolýar ýüreklerde,
Pyragynyň şygyrlary.
Dermandyr ol her bir derde,
Pyragynyň şygyrlary.

Okap her kes ylham alar,
Köňül gözellige dolar,
Ölmez-ýitmez baky meger,
Pyragynyň şygyrlary.

Taryhlaryň gatyn açýar,
Müň many ylym seçýär,
Geljek üçin gujak açýar,
Pyragynyň şygyrlary.

Bütin süňňi paýhas-nurdur,
Umman deýin pähim bardyr,
Nesillere ýadygärdir,
Pyragynyň şygyrlary.

Güljan RAHYMOWA.
Türkmengala etrabyndaky 8-nji orta mekdebiň mugallymy.
"Maru-şahu jahan" welaýat gazeti, 08.08.2024