Türkmeniň kalby deý gözel,
Buýsanjymyz — nepis halym.
Toýlarmyza ajap bezeg,
Buýsanjymyz — nepis halym.

Her bir nagşy, her bir göli,
Gül Diýaryň dag, düz, köli...
Görkanadyr ýazlar ýaly,
Buýsanjymyz — nepis halym.

Şana besläp taryh gatyn,
Bäş müň ýaşy arka atan,
Saňa buýsanýar halk, Watan,
Buýsanjymyz — nepis halym.

Toýuň toýlaýas biz bu gün,
Myhman alyp ýeriň ýüzün,
Senden ylham alýar göwün,
Buýsanjymyz — nepis halym.

Altyngözel HOJANÝAZOWA.
Baýramaly etrabyndaky 16-njy orta
mekdebiň I derejeli iňlis dili mugallymy.
"Maru-şahu jahan" welaýat gazeti, 23.05.2024