Watanym, Türkmenistan,
  Gül goýnuň aýdym mukam.
  Giň dünýäde ýeke-täk-
  Seniň deý jennet mekan.

  Ýerasty hem ýerüsti
  Baýlyk genji käniň bar.
  Bu gün jahana dolan
  Beýik şöhrat şanyň bar.

  Watan berkararlygy
  Zähmet bilen berkeýär.
  Arkadagly halkymyz
  Toý toýlaýar bagtyýar.

  Eziz watan Garaşsyz,
  Dost doganlyk merkezi.
  Paýtagtymyz Aşgabat
  Aziýanyň merjeni.

  Ýurt tylla ýüzük bolsa,
  Aşgabat göwher gaşy.
  Ak mermerli binalaň
  Göge uzaýar başy.

  Bäş welaýat –bäş dogan,
  Şanly toýun toýlaýar.
  Toýa sowgatly barýan
  Türkmen halky ýaýnaýar.

  Bu bagty bagyş eden
  Sag bol Arkadagymyz!
  Paýhasyňyz ýaýylyp ,
  Dünýä dolýar şanymyz!

Serdar Ýazhanow,
Halaç etrabyndaky 13-nji orta mekdebiň mugallymy.
“Mugallymlar gazeti”, 13.09.2021