Oýandyrýar daň säher,
Ejem janyň hüwdüsi.
Kalbymy eýlär bahar,
Ejem janyň hüwdüsi.

Ýaz şemal deý mylaýym,
Göýä bagtdan paýym,
Kesilmesin ylaýym,
Ejem janyň hüwdüsi.

Aýdymlaryň naýbaşy,
Şygyr ýazsam sözbaşy,
Mähremligiň gözbaşy,
Ejem janyň hüwdüsi.

Goý, mydama ýaňlansyn,
Dünýämize ýaň salsyn,
Ömürbaky diňlensin,
Ejem janyň hüwdüsi.

Gülsoltan BAGŞYÝEWA,
Bereket etrabyndaky 1-nji orta mekdebiň mugallymy,
kärdeşler arkalaşygynyň ilkinji guramasynyň başlygy.
"Balkan" welaýat gazeti, 06.03.2025