Gudrat bolup dörän şanly ýyllarda,
Arkadag şäheri — bagtyň säheri,
Waspy ýaýylyp dur şirin dillerde,
Arkadag şäheri — bagtyň säheri.

Döwrebap şäheriň belent nusgasy,
Döwrebapdyr her bir belent binasy,
Waspyny sözleseň, diller senasy,
Arkadag şäheri — bagtyň säheri.

Barha buýsandyrýar türkmen ilini,
Guwandyrýar bu gün ogul-gyzyny,
Taryhyň gatynda goýar yzyny,
Arkadag şäheri — bagtyň säheri.

Gutly bolsun ymarat hem binýadyň,
Keşbiň şähdin açýar ýakynyň-ýadyň,
Ösüp öňe bolsun bedew deý badyň,
Arkadag şäheri — bagtyň säheri.